O'zbek-Turk Test Markazi” қўшма корхонаси Сифатни бошқариш тизимларини сертификатлаштириш идорасида Туркия аккредитация органининг халқаро экспертлари томонидан инспекция назорати ўтказилди

    Жорий йилнинг 14-15 ноябр кунлари O'zbek-Turk Test Markazi" қўшма корхонасининг Сифатни бошқариш тизимларини сертификатлаштириш идорасида,  ҳалқаро аккредитация форумининг аъзоси (IAF) хисобланган  Туркия аккредитация органининг (TURKAK) халқаро экспертлари томонидан навбатдаги инспекция назорати ўтказилди.

     Инспекция жараёнида халқаро экспертлар YENICIRI SONGUL ва KARAVELIOGLU OMER томонларидан, қўшма корхона томонидан ISO 9001 стандартига мувофиқ расмийлаштирилган республикада фаолият юритадиган саноат корхоналарга  ташриф буюрдилар.

      Шунингдек, Сифатни бошқариш тизимларини сертификатлаштириш идораси аккредитация соҳасини кенгайтириш бўйича, МЧЖ “BAO XIN METALL”ҚК прокатли металл ишлаб чиқариш корхонасига ташриф буюриб, сертификатлаштириш идораси мутахасссисларини бахолаб бордилар.

    Кузатувлвр натижасига кўра, қўшма корхона томонидан ташкиллаштирилган аудиторлик текширувлари давомида экспертлар қўшма корхона аудиторларининг юқори профессионал даражасини қайд этдилар.

   Туркия аккредитация органи ТURКАК, Халқаро аккредитация форуми (IAF), Европа аккредитация ташкилоти (ЕА) ва Лабораторияларни аккредитатлаш халқаро ташкилоти (ILAC) каби нуфузли идораларига аъзо хисобланади, бу эса ўз навбатида “O'zbek-Turk Test Markazi” ҚK нинг “Сифатни бошқариш тизимлари сертификатлаштириш идораси” томонидан олиб борилаётган сертификатлаштириш жараёнларининг мустақиллиги хамда ҳолислигини таъминлаган холда идора томонидан расмийлаштирилган сертификатлар бутун дунёда тан олинишига эришилади.